Toм 1_№6 (2025) Спец.выпуск “Zamonaviy pediatriyaning dolzarb muammolari: bolalar kasalliklari diagnostikasi va davosining yangi imkoniyatlari” IV -ilmiy-amaliy xalqaro anjuman

Аннотация

“Zamonaviy pediatriyaning dolzarb muammolari: bolalar kasalliklari diagnostikasi va davosining yangi imkoniyatlari”

IV -ilmiy-amaliy xalqaro  anjuman ishtirokchilariga

Hurmatli ilmiy hamjamiyat vakillari, xorijiy va mahalliy professor-o‘qituvchilar, klinitsistlar, olimlar va yosh tadqiqotchilar!

“Zamonaviy pediatriyaning dolzarb muammolari: bolalar kasalliklari diagnostikasi va davosining yangi imkoniyatlari” mavzusidagi IV — Xalqaro ilmiy-amaliy anjuman pediatriya sohasida eng yangi ilmiy natijalar, innovatsion yondashuvlar va diagnostik texnologiyalarni muhokama qilish, bolalar salomatligini muhofaza qilish bo‘yicha xalqaro hamkorlikni yanada mustahkamlash maqsadini ko‘zlaydi.

Bugungi ilmiy maydon sizlarni — turli sohalarda faoliyat yuritayotgan pediatrlar, neonatologlar, bolalar jarrohlari, pulmonologlar, allergologlar, gastroenterologlar, revmatologlar, genetiklar, tor soha mutaxassislari va ilmiy izlanish olib borayotgan tadqiqotchilarni bir maqsadda birlashtiradi. Chunki har bir bolaning sog‘lom ulg‘ayishi — nafaqat tibbiy jamoaning, balki butun jamiyatning kelajagiga daxldor ulkan mas’uliyatdir.

Ushbu xalqaro anjuman bugungi pediatriya fani taklif qilayotgan zamonaviy chaqiriqlarga ilmiy javob bo‘lib, quyidagi imkoniyatlarni yaratadi:

• xalqaro tajribani o‘rganish va amaliyotga joriy etish;
• klinik va fundamental tadqiqotlar natijalarini muhokama qilish;
• yosh ilmiy kadrlar va professor-o‘qituvchilar uchun o‘zaro tajriba almashish;
• pediatriya va neonatal tibbiyotning yangi strategik yo‘nalishlarini belgilash;
• bolalar salomatligini muhofaza qilishda tizimli yondashuvlarni kengaytirish.

Bu anjuman o‘z mazmuni va ishtirokchilari tarkibi bilan nafaqat O‘zbekistonda, balki mintaqada pediatriya rivojining yangi bosqichiga turtki bo‘luvchi ilmiy maydon bo‘lib xizmat qiladi.

                                                                                                                                                                    Konferensiya tashkilotchilari:

                                                                                                                                         1-son bolalar kasalliklari propedevtikasi kafedrasi

                                                                                                                                                                Bolalar kasalliklari kafedrasi

                                                                                                                                           Oilaviy tibbiyotda bolalar kasalliklari kafedrasi